Qutiya min li ku bû? ji xwe re cixarekê bipêçim, herim Qehwa Koçêra li benda wan bisekinim. Belkî hatibin jî, dîsa herim lezoyekê vexwim. Heke bipirsin ezê bêjim min rê de Marqosê Xerzî dît silavên wî ji were hene.
Ji malê derketim, destê min de cixare, di pozê min de behna petrolê, serê min dîsa tevliheve, min zahf bêrîya Qerecdaxê kiriye. Hewce dike ji wan her duyan xilas bibim, şûnda biçim Qerecdaxa şewitî. Cixare xilas bû rê jî xilas bûye:
-Silav Xalo.
-Eleykim Silav Pûtperesto!
Başe Xalo, tu pey nifirê xwe şûnda lezoyekê nade min? Xalo: ``Quzilqurtê vexwe, serê sibehe heta êvare lezo vedixwî. Sê meh ê, te qiruşek pere jî nedayî. Dia bike, tu xwarziye me yî. Min nedihîşt tu ji ber qehwê derbas bibî. Ha ziqqûma te vexwe, biceheme here,`` Tu yê zahf bêriya min bikî Xalo, îro du mêvanê min tên, paşê ez ê vegerim Qerecdaxê. ``Qerecdax qerecdaxa te ye, ji kevira pê ve çi heye li wir?`` Azadî heye xalo, azadî! ma tu nabînî li ber her sikakê kuçikek heye. Cihê ew nînin, kuçikên me hene ewti ewta wan ê. Belkî azadî zikê me têr nake, lê ew ê rihê me têr bike.
Merheba Heval Marks tu bi xêr hatiyî, ka Kurê Axê yaw? ``Rê de me Marqosê Xerzî dît behsa ax, azadî û pîvaza kir, min ew berdan ez hatim.`` tu dîsa xêr hatiyî. Xalo ji Heval Marks re çayek. Ê de bêje lo kîjan bager we avêt wan deran? `` Çawa bêjim, êdî sebra min qediya ye, divê em ji derekê destpê bikin.`` Ew der eşkere ye, jixwe em ê ji Qerecdaxê destpê bikin.
``Dev ji vê xeyalê berde, Qerecdax nabe zivistan ê kes nîne. Em destpê bikin, bihar ê bibe zivistan, rezîlti ye. Em ê ji Parîse destpê bikin. Karker wê alîkarî bidin, em ê pergala wan hilweşînin.`` Baweriya min bi te û karkaren tê, lê bi wan dikanciyen çavsor qet nayê.
Xêr hatiye Kurê Axê, tu nehata? ``Yaw, dema mijar dibê pîvaz ev Xerzî nasekinin. Ez dibêjim kartol(patat), ev dibêje pîvaz. Jixwe sala çû bavê min bi tona pîvaz veşart, heya biha bû, îsal ew ê kartola veşerîne zanim. Lê bawernake min jî got nîvî pîvaz nîvî kartol qebûl kir.``başe em îsal mixtacî xelkê nabin, hûn dîsa bûne bazirgan.
Ha vê qutiye, ji me re cixara bipêçe Frederîk. Divê em hin kesan jî bi xwe re bibin. Mînak du sê qirixê Amedê, hinek Botî, hinek Koçer û Gewendeyek. Frederîk ``her tişt temam em ê, em ê çi bikin Gewende?`` divê moral hebe, serkeftin heye, dema em ber bi Rihaye ve diçin em gewendeyekî bigrin.
Marks ``temam, rabin em biçin rê dûr e`` başe ez biçim Marqos ra bêjim, ez îşev, sibe, du sibe û heta demek dirêj nînim. Frederîk `` min jê re got, got cehnima û kotirima wî kirî ye/``Baş e Xalo, bi xatirê te ez diçim. ``Cehnima te kiriye, biçe îşela rê de tu bê girtin û em ji te xilas bibin. Şev û roj behsa ked û kar dikî, lê deynê xwe nadî, dewarê dewar qey ji min fedî nakî, tu ji vî rûspiyî jî fedî nakî.`` Heval Marks û Frederîk em rabin, dereng nemînin, dolmîş ê rabin..
